Италијанскиот менаџер Антонио Конте ќе го напушти Тотенхем!
Антонио Конте ќе добие отказ од Тотенхем до крајот на неделата, пренесува британскиот медиум „Телеграф“.
По коментарите по натпреварот со Саутемптон на прес-конференцијата на која ги критикуваше своите играчи и го дефинираше Тотенхем како „клуб губитник“, раководството реши дека е подобро да ја прекине соработката со италијанскиот менаџер.
Изворот вели дека екипата треба да ја преземе Рајан Мејсон и тој ќе ја води до крајот на сезоната во која се борат за место во Лигата на шампионите. Моментно во Премиер лигата Тотенхем е на четвртото место со 49 бодови, еден помалку од третопласираниот Манчестер јунајтед.
Конте планираше да го напушти Тотенхем на лето, но очигледно е дека не е задоволен од ситуацијата во клубот и односот на играчите кои не успеваат да воспостават континуитет и да ги исполнат неговите замисли.
На средбата со првиот човек на клубот Даниел Леви истакна дека нема ништо против управата, туку дека критиките се наменети само за тимот.