Италијански гигант се враќа во трката за Ристовски!?
Потсетување дека Стефан Ристовски заработи сезонава дури три црвени картони, и така го загуби правото на настап во финалниот Куп на Португалија, а клубот нема да смета на неговите услуги и на дуелот против Порто во последното коло.
Според „А Бола“ прашање е за колку би бил продаден Ристовски кој досега имаше 56 одиграни мечеви во две сезони за Спортинг Лисабон, а годинава беше клучен играч во редовите на Марсел Кејзер.
Се шпекулира дека од наредната сезона би имал нов клуб, а како една од главните причини за разделба со Спортинг би била токму неговата дисциплина.
Има договор со Португалците до 30 јуни 2022 година, а неговата вредност според „Трансфермаркт“ се проценува на 3,50 милиони евра.
Претходно интерес за услугите на македонскиот репрезентативен бек покажа Лацио, понудата на римскиот клуб веднаш беше одбиена во последниот преоден рок. Но, „А Бола“ воедно информира дека „небесно-сините“ повторно се активираат во трката за потписот на Ристовски.