Директорот на клиниката за инферктивни болести во Џенова предложи вакцинирање на сите фудбалери.

Сите фудбалери кои настапуваат во екипите кои играат во Серија А, а ги има околу 600, би требало да се вакцинираат против коронавирус. Овој предлог го изнесе директорот на клиниката за инфективни болести во Џенова, Матео Басети. Според неговите зборови, имунизацијата на фудбалерите може да има корист.
– Така би се спречило ширењето на вирусот меѓу спортистите, би се избегнале случаите со одложување на фудбалски натпревари како што беше последниот случај со дуелот помеѓу Торино и Лацио. Натпревари се одложуваат поради жаришта на коронавирус откриени меѓу спортистите, а исто така со вакцинирањето на фудбалерите би се испратила силна порака до навивачите и тиа да ја прифатат имунизацијата. Замислете да се вакцинира Кристијано Роналдо, колку навивачи би го следеле неговиот пример – изјави докторот Басети.