Италијанската федерација почна истрага против Лацио!
Италијанската фудбалска федерација почна истрага против Лацио за можни прекршувања на здравствениот протокол во клупската база.
„Небесно-сините“, кои се подготвуваат за мечот в среда (4 ноември) во Лигата на шампионите против рускиот Зенит, се под истрага за напуштање на клупската база без дозвола на властите.
Од федерацијата имаат за цел да ја проверат исправноста на тестовите за ковид-19 извршени во изминатите денови на римскиот клуб.
Италијанскиот претставник патува за Русија без клучни играчи како Имобиле, Алберто, Леива, Томас Стракоша и Лаѕари.
Во рамките од групата „Ф“ во ЛШ после две одиграни кола водат Лацио и Клуб Бриж со по четири бода, три има Борусија Дортмунд, а ниту еден Зенит.