Италијанска убавина – 965 KС во 150 примероци (ФОТО+ВИДЕО)
Италијанската компанија Puritalia Automobili во текот на пролетта го престави својот суперавтомобил Berlinettа, кој на патиштата ќе се појави наесен.
Berlinetta e хибрид во кој V8 агрегатот и електричниот мотор комбинирано развиваат 965 KС, што го прави најмоќниот италијански хибриден автомобил, помоќен и од Ferrari LaFerrari од 2013-та година (950 KС).
Автомобилот е долг 4.500 мм, а пак е широк е 1.982 мм, додека меѓуосовинското растојание е од 2.701 мм, a тежок е само 1.410 кг. (шасијата тежи 150 кг.).
Berlinetta забрзува од место до 100 км/ч за 2,7 секунди, а до 200 км/ч стигнува за вкупно 7,2 секунди.
Самиот мотор со внатрешно согорување е 5,0-литарски V8 DOHC Ti-VCT со 32 вентили со 2,9-литарски „twin-screw“ суперполнач кој развива 750 KS при 7.000 вртежи во минута, т.е. 878 Нм при 4.400 o/мин.
Напредниот електричен АЦ мотор е со аксијален флукс кој е испорачан од Yasa и произведува до 215 KС и 370 Нм вртежен момент, а е тежок дури нешто повеќе од 25 килограми.
Puritalia моторот го интегрираше директно на задниот диференцијал, благодарејќи на компактната димензија од 305 мм и аксијална длабочина од 106 мм.
Во оваа конфигурација вртежниот момент кој електромоторот го испорачува го заобиколува менувачот и делува директно на задните тркала.
Конечната верзија на Berlinettа ќе биде претставена во платата Бленхајм во Велика Британија на настанот „Salon Prive“ кој е на програмата од 5 до 8 септември.