-Секако дека ќе се бакнеме, не сме ние глупави! Ние сме стара генерација. Не се плашиме од ништо, не сме феминисти и сигурно не се плашиме од коронавирусот, во добро расположение му порачала Карла Бруни Саркози на својот пријател, претседателот на модната групација Lvmh, Сидни Толедан.

Откако снимките ги пренела фрнцуската телевизија „Канал 5“, Италијанците на социјалните мрежи се бесни на “бедниот обид на иронизација на ситуацијата“, пишува италијанскиот дневен весник „Ла Република“.

Јасно е дека поранешната италијанска манекенка, кантавторка и сопруга на поранешниот француски претседател Саркози, се обидела да се пошегува. Јасно е и дека оваа шега била пред Италија да ја зафати епидемија. Но денес, вакво однесување на една јавна личност е недозволиво.

Но, не само што Бруни наредила неколку безобразни изјави, туку и театрално одглумила респираторна криза. Глумејќи напад на кашлица, и тоа пред камери, завршила со напад на смеење. Смеејќи се на болеста која однела, само во последните 24 часа, над триста животи во нејзината татковина, Италија.

Не дека Италијанците немаат слисла за хумор. Но пред ситуација, каква што е оваа, ваквиот хумор, сметаат Италијанците, дека е крајно невкусен.