Италијанците сакаат промени во Серија А за да ја запрат доминацијата на Јувентус
Откако Јувентус ја освои деветтата титула по ред во Италија, претседателот на Наполи, Аурелио де Лаурентис, потврди дека се работи на нов формат во Серија А.
Новиот формат требаше да се тестира и наредната сезона но пандемијата на коронавирусот ги запре плановите. Исто и поради завршницата во Лигата на шампионите и Лигата на Европа, оваа идеја е ставена на стенд бај.
– Работиме со фудбалската федерација на Италија на тоа Серија А да има плеј-оф и плеј-аут, за да ја намалиме штетата која е нанесена во последните девет години – изјави Де Лаурентис, притоа алудирајќи на доминацијата на Јувентус.
Последен пат титулата да не му припадне на Јувентус беше во 2010 година кога Милан славеше во Серија А.
Бодовната разлика во последните девет години помеѓу шампионот Јувентус и второпласираната екипа беше 4-9-17-17-9-4-4-11, а оваа сезона разликата може да биде од еден до девет бода.
Според планот на Серија А и на челниците на ФИГЦ e 20. екипи да се поделат во две групи со по 10 тима и тие да одиграат 18 кола. Потоа би следел плеј-офот и плеј-аут. Во битката за титулата би играле најдобрите шест екипи од двете групи, додека останатите четири екипи од двете групи би играле плеј-аут.