Италијанците цело лето во „мисија“ да ја завршат сезоната
Први на терените во мај ќе се враќаат возбудувањата во Купот, а предвидено е во јуни, јули и август се одиграат преостанатите дуели од Серија А.
Наместо до 30 јуни како што претходно се најавуваше, сезоната во најсилното италијанско првенство ќе трае до 2 август. Медиумите на Апенините пишуваат дека во првата половина на мај клубовите ќе започнат со тренинзите.
А во јуни се очекува да продолжи сезоната, секако, пред празни трибини со цел да се спречи ширењето на коронавирусот.
Gabriele Gravina has announced that the Italian FA will seek to finish the season by the 2nd of August, following UEFA’s statement on finishing national leagues released today. (La Repubblica)
— Get Italian Football News (@_GIFN) April 23, 2020
Планот е прво да се одиграат мечевите во Купот на Италија, реванш полуфиналните средби помеѓу Наполи и Интер, односно Јувентус и Милан. Предвидено е тие дуели да се одиграат помеѓу 27 и 31 мај.
Во јуни и јули ќе се одиграат преостанатите натпревари од Серија А, во првите денови на август на програмата ќе бидат последните кола, а потоа се најавува и завршницата во Лига Европа и Лигата на шампионите.
Моментно Јувентус е лидер со 63 бодови, додека Лацио има бод помалку, следува Интер со 54, но и меч помалку…
