Италијанците без Мели на Мундобаскетот – Слободен печат
КошаркаСпорт

Италијанците без Мели на Мундобаскетот

Репрезентациите на СП во Кина ќе настапат значитечно ослабени поради секојдневните откази.

Веќе стана секојдневие кошаркарите да го откажуваат настапот на претстојното Светско првенство во Кина (31 август – 15 септември). По вчерашните откази на Алексеј Швед од Русија и Марвин Бегли од САД, денеска и селекцијата на Италија остана без еден од најдобрите кошаркари.

Новиот крилен центар на Њу Орлеанс пеликанс, Николо Мели нема да биде дел од репрезентацијата на Италија бидејќи не успеа на време да се опорави од операцијата на коленото. Николо Мели на 16 јули го оперираше коленото, а Кошаркарската федерација на Италија објави дека состојбата со кошаркарот ќе се следи секојдневно.

Откако стана јасно дека на три недели од стартот на Мундобаскетот во Кина, Мели не е во можност да се приклучи на подготовките, селекторот Ромео Сакети одлучи да прецрта крилниот центар од списокот на евентуални патници за Кина.

Италија на Светското првенство ќе игра во групата Д заедно со репрезентациите на Србија, Ангола и Филипини.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close