1 C
Скопје

Италија забрани патувања од 21 декември до 6 јануари

Италијанската Влада денеска соопшти дека воведува забрана за патувања за време на новогодишните празници, со цел да се обиде да спречи ширење на коронавирусот, јави Гардијан.

Новите правила, заедно со актуелното кое вклучува полициски час, ќе се обидат да ја запрат циркулацијата на вирусот низ земјата за време на празничниот период, со ограничување на бројот на луѓе собрани на едно место.

– Ако сега го спуштиме гардот, третиот бран е веднаш зад аголот – изјави министерот за здравство Роберто Сперанца.

Патувањата меѓу италијанските покраини ќе бидат забранети од 21 декември до 6 јануари, а на луѓето нема да им биде дозволено да го напуштат градот на 25, 26 декември и 1 јануари, додава Гардијан.

Прочитајте и...  Несоодветна комора ладилник е причина се уште да не функционира капелата во Тетово

Исто така, „сериозно се советуваат” граѓаните да не одат кај пријатели, роднини, соседи, и да бидат само со членови на семејството.

Другите ограничувачки мерки ќе бидат воведени во текот на денов, а се очекува секој што ќе влезе во Италија да биде должен да помине десет дена во карантин, почнувајќи од 20 декември.

Овој потег е осмислен со цел да ги спречи Италијанците да одат во ски-центри кои се отворени во некои европски земји.

Кафулињата и рестораните ќе останат затворени во регионите кои се во црвена или портокалова зона, додека во жолтата зона, угостителските објекти можат да работат до 18.00 часот, додека полицискиот час е во сила низ целата земја од 22.00 часот.

Прочитајте и...  Нови одрони заглавија возило на регионалниот пат М.Каменица – Кочани

Во жолтите зони, каде што рестораните се отворени до 18 часот, Владата сè уште размислува дали да им дозволи на овие објекти да служат ручек на Божиќ и ден подоцна, на 26 декември.

Скијачките центри ќе бидат затворени, а нема ниту крстарења.

Поврзани вести

ДРАМАТИЧНО ВИДЕО: Извлечени седум од 22 кинески рудари затрупани пред две недели

Слободен печат

СДСМ: Стандардот на припадниците на Армијата и понатаму ќе расте

Слободен печат

Џонсон се радува на соработката со Бајден

Слободен печат

ВМРО-ДПМНЕ бара повлекување на законот за попис и целосен консензус

Слободен печат

Без струја утре Аеродром и Бутел

Слободен печат

САД и ЕУ ја осудија употребата на сила на протестите во Русија

Слободен печат

Остави Коментар