Италија ќе воведе петдневен карантин за патници од земјите членки на Европската Унија (ЕУ), соопштија денеска од италијанското Министерство за здравство. Секој патник од ЕУ ќе мора да направи тест пред заминување, да го почитува петдневниот карантин, а потоа повторно да се тестира, што е мерка за патниците од земјите надвор од Унијата.

Таа мерка се однесува на сите граѓани, вклучувајќи ги и италијанските државјани.

Датумот за стапување во сила на новите мерки сè уште не е познат, додека се ближи велигденскиот викенд кој почнува в сабота, а завршува в понеделник, кога традиционално пристигнуваат странски туристи во Италија.

Во земјата во сила се рестриктивни мерки поради пандемијата на коронавирусот, а целата земја ќе биде во „црвена зона” за време на католичкиот Велигден.

Според податоците на Министерството, во Италија досега починале над 108.000 луѓе како последица на ковид-19.