Италија во изминатите 24 часа со рекорден број на починати од ковид-19
Црн рекорд во Италија – 993 смртни случаи од коронавирус и 23.224 новозаразени се регистрирани во земјата изминатите 24 часа.
Ова е значително зголемување на бројот на смртни и новозаразени случаи кога имаше 685 починати и 20.709 нови случаи на ковид-19.
Претходниот рекорден број на смртни случаи за еден ден беше забележан на до сега најцрниот 27 март, на врвот на првиот бран на пандемијата, кога беа регистрирани 919 смртни случаи.
Во италијанските болници хоспитализирани се 31.722 пациенти, 682 помалку од претходниот ден, додека 3.597 лица се наоѓаат на одделенијата за за интензивна нега.
Италија беше првата западна земја која беше сериозно погодена од пандемијата, а од ширењето на ковид-19 во февруари, 58.038 луѓе починаа во земјата како резултат на инфекцијата, најмногу во Европа по Велика Британија. Досега се регистриран вкупно 1.665.000 случаи заразени со коронавирус.