Италија ја изрази својата подготвеност да дејствува како градител на мостови меѓу Сирија и Европската унија по падот на долгогодишниот владетел Башар ал Асад, јави ДПА.

– Италија е подготвена да ја одигра својата улога во промовирањето на реформскиот процес во Сирија, изјави италијанскиот министер за надворешни работи Антонио Тајани по денешниот состанокот со сирискиот де-факто владетел Ахмед ал-Шараа во Дамаск.

Тајани се сретна и со својот сириски колега Асад ал Шајбани и го увери дека внимателно ќе го следи „процесот на смирување и обнова на земјата“.

– Целта е да се промовира политички процес кој ги гарантира основните права на сите Сиријци и ја признава улогата на христијаните како граѓани со целосни права, рече тој.

Тајани е третиот министер за надворешни работи на ЕУ кој допатува во официјална посета на новите власти во Сирија по пучот на почетокот на декември, по министрите Аналена Бербок и Жан-Ноел Баро, кои отпатуваа таму пред околу една недела.