Италија ова лето ќе пречека околу 68 милиони туристи

Гранична табла на влезот од Италија во Словенија / фото: ЕПА

Според прогнозите на истражувачкиот институт „Демоскопика“, цитирани од италијанската новинска агенција АНСА, летово во Италија ќе одморат околу 68 милиони туристи, што значи дека во земјата ќе бидат поминати вкупно 267 милиони ноќевања.

Тоа би претставувало 4,3 отсто повеќе туристи од 65,2 милиони лани, како и 3,2 отсто повеќе туристички ноќевања од минатогодишните 258 милиони.

Според институтот, туристите летово во Италија ќе потрошат околу 46 милијарди евра, што е зголемување за 5,4 отсто во однос на истиот период од 2022 година, пренесе БТА.

Прогнозите на „Демоскопика“ покажуваат дека повеќе од половина од туристите или околу 35,3 милиони (51,7 отсто) ќе бидат гости од странство, кои во Италија ќе поминат вкупно 131,5 милиони ноќевања.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот