Италија ги затвори границите за 13 земји, вкулувајќи ја и Македонија и БиХ од балканските, сметајќи ги за најризични места за ширење на коронавирусот.

Забраната за патувања се однесува и на Ерменија, Бахреин, Бангладеш, Бразил, БиХ, Чиле, Кувајт, Северна Македонија, Молдавија, Оман, Панама, Перу и Доминиканската Република, објави министерството за здравство.

„Епидемијата е глобално во најакутна фаза. Не можеме да ја загрозиме жртвата која Италијанците ја поднесоа во последните месеци“, рече министерот за здравство Роберто Сперанза.

На граница ќе се блокираат и луѓето кои биле или транзитираат низ тие земји во последните две недели, додаде тој.

Суспендирани се и директните и индиректните летови со тие држави.

Италија оваа недела се бореше со зголемен број нови случаи поврзани со доаѓања од Бангладеш која на „црвената листа“ е ставена во вторникот.

Епидемијата во Италија ја помина критичната фаза, но постои страв дека нови жаришта може да предизвика вториот бран од заразата.