Италија, Чешка и Словенија ќе играат на Европското првенство 2024
Дознавме уште три репрезентации кои ќе бидат дел од следното Европско првенство кое ќе се одржи во 2024 година во Германија.
Италија во нашата квалификациска група во германскиот град Леверкузен успеа да дојде до бод кој ѝ беше доволен да го обезбеди второто место на табелата. Играчите на Лучијано Спалети одиграа без голови 0:0 против селекцијата на Украина.
Словенија во квалификациската група „Х“ во директна борба за второто место го совлада Казахстан со 2:1. На теренот во Љубљана водеа Словенците со голот на Шешко во 41 минута од пенал, на стартот од вториот дел израмни Казахстан преку Оразов, а победата на домаќините ја донесе Вербиќ во 86 минута.
Пласман на ЕП слави и Чешка која на домашен терен во Оломуц со 3:0 триумфираше над Молдавија во квалификациската група „Е“. На Молдавците бараа чудо и триумф за историски „билет“ на ЕП, но тоа не го дозволија Чесите кои запишаа погодоци преку Дудера во 14, Хори во 72 и Соучек во 90 минута.
Во другите мечеви: Албанија – Фарски Острови 0:0, Македонија – Англија 1:1, Северна Ирска – Данска 2:0 и Сан Марино – Финска 1:2.
