Истражување: Втората доза на вакцината на „Астра-Зенека“ не го зголемува ризикот од крвни згрутчувања

Фото: EPA-EFE/Remko de Waal

Примена втора доза на вакцината на „Астра-Зенека“ не резултира со зголемен број на случаи на создавање на крвни згрутчувања кај луѓето со ниски тромбоцити, се дознава од студијата објавена во магазинот „Лансет“, пренесе Хина.

Резултатите на студијата покажуваат стапка на синдромот тромбоцитопенија од 2.3 на милион вакцинирани после втората доза на вакцината, што е вообичаена бројка кај луѓето кои не се вакцинирани. За споредба, појавата на синдромот после првата доза изнесуваше 8.1 на милион вакцинирани.

Истражувањето го финансираше и го спроведе „Астра-Зенека“, проучувајќи ги пријавените случаи на несакани ефекти во рок од 14 дена од примањето на првата или втората доза на вакцината. Во Европска економска област досега се забележани 316 случаи на синдромот тромбоцитопенија.

Видео на денот