Веќе знаеме дека зголемениот пристап до работа од дома и флексибилните работни аранжмани имаа огромно позитивно влијание врз животите на многу луѓе.

Хибридната работа го намали стресот и исцрпеноста кај вработените овозможувајќи им да постигнат поздрав баланс помеѓу работата и животот.

Шокантните податоци од истражувањето на порталот „Боди+соул“ во Австралија покажуваат дека работата од дома влијае и на сексуалниот живот на луѓето, односно луѓето имаат повеќе секс, пишува „Њујорк пост“.

Од 2.000 испитаници, 48 отсто избрале дека најголемата пречка за сексот е стресот и исцрпеноста. Испитаниците исто така тврделе дека помалку енергија и стареење се други фактори кои ги попречуваат во сексот.

Се чини дека флексибилното работно време има најголемо влијание врз помладите Австралијци, а речиси половина од помладите од 30 години велат дека начинот на кој работеле им овозможува повеќе секс.

„Кога ја истражувавме нацијата, стресот и притисокот врз трошоците за живот беа една од најголемите бариери за сексот“, рече главниот уредник Жаки Муни.