Истражување: Заштитата при вакцинирање со вакцината на „Модерна“ трае најмалку шест месеци

Фото: EPA-EFE/JOHN G. MABANGLO

Ново истражување покажува дека заштитата од ковид-19 со помош на вакцината на „Модерна“ трае најмалку шест месеци.

Заштитата се очекува да трае уште подолго, но досега се собрани податоци поврзани со овој период, се вели во текстот на „Њу Ингланд журнал оф медесин”. Компанијата „Модерна“ посочува дека продолжуваат истражувањата во оваа насока.

Тековната студија, која користела три различни тестови на антитела, покажува дека заштитните тела остануваат активни во сите возрасни групи меѓу 33 лица вклучени во раната фаза на студијата.

Се чини дека помладите групи имаат поголемо ниво на антитела отколку постарите групи. Научниците ќе продолжат да ги испитуваат овие групи за да утврдат колку долго ќе трае заштитата.

Во објавениот текст се наведува она што „Фајзер“ го соопшти минатата недела во врска со својата вакцина, а тоа е дека вакцината „Модерна“ функционира на истиот принцип.

Двата извештаи, и на „Фајзер“ и на „Модерна“, се темелат на тестови на десетици луѓе кои примиле вакцина за време на истражувањата што претходеле на масовната имунизација. Но, тие студии биле направени пред појавата на нови, позаразни варијанти, поради што во посебен извештај во медицинското списание се пишува за загриженост за мутирани типови на коронавирус.

„Фајзер“ и „Модерна“ соопштија дека работат на ажурирање на вакцините или можност за давање уште една доза, доколку е потребно против новите варијанти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот