Истражување откри колку време е потребно за да се преболи раскинување на врска
Никогаш не е лесно да се биде сам, а посебно им е тешко на оние на кои неодамна им било скршено срцето.
Преболувањето по прекин на рска се чини невозможно кога сте по цел ден затворени во четири ѕида со своите мисли, посебно ако сте сами во изолација.
Добрата вест е дека времето ги лекува сите рано, иако резултатите од ново истражување на оваа тема и нема да ве утешат.
Истражувањето е објавено во стручниот магазин „Journal of positve psychology“, во кое учествуваа 155 млади лица, а кое откри дека опоравувањето од раскинување во просек трае три месеци, односно 11 недели.
Дури 71 отсто од испитаните рекле дека по толку време успеале да ги препознаат позитивните страни од прекинувањето на врската и да продолжат со своите животи.
Сепак, важно е да се запамети дека овде се зборува за просек и дека е возможно на вас да ви треба помалку, односно можеби дури и повеќе време за да го преболите раскинувањето.