Некои генетски предиспозиции се причини што дел од инфицираните лица со ковид-19 развиваат тешки облици на болеста, потврди истражување на италијански научници чии резултати се објавени во публикацијата „Популар Сајенс“ што е наменета за медицинскиот персонал, пренесува агенцијата Танјуг.

Научниците во истражувањето се базираа на примероци од 1,7 милиони на податоци што се потхранети во меѓународниот ковид-19 центар „Host Genetics Initiative“ во чиј состав влегуваат 143 истражувачки центри од целиот свет.

Меѓу истражените примероци се и оние од 7.000 лица кои развиле тешки облици на вирусот.

Значењето на ова истражување е во тоа што на научниците и на медицинскиот персонал ќе овозможи да го предвидат текот на заразните болести и во склад на тоа да преземат мерки или да препишат лечење.

Претходни истражувања потврдија дека повозрасните пациенти повеќе и полчесно се заразуваат со тежок облик на ковид-19. Исто така, досегашните истражувања покажаа дека мажите почесто заболуваат од коронавирусот, како и дека тешки клинички слики се забележани кај пациенти со хронични болести.