Истражувачкиот брод „Поларстерн се врати во Бремерхафен: Наскоро ќе нема мраз на Арктикот
Предводникот на едногодишната истражувачка мисија на Арктикот, Маркус Рекс изјави дека наскоро ќе нема мраз на Арктикот во летниот период од годината.
– Гледаме како умира Арктикот. Таму наскоро ќе нема мраз во текот на летата. Тоа може да предизвика далекусежни последици по цел свет, посочи Рекс.
Тој наведе дека за време на мисијата извршиле разни мерања.
– Донесовме дома многу податоци, заедно со значителено количество мраз, снег и вода, посочи Рекс.
Бродот „Поларстерн” денеска се врати во Германија по 389 дена минати на Арктикот. Во мисијата учествуваа над 300 научници од 20 држави, меѓу кои САД, Велика Британија, Франција, Русија и Кина, а проектот чинеше 150 милиони евра.