Истрагата за смртта на Марадона се ближи кон крајот, лекарите се соочуваат со големи затворски казни
Истрагата за смртта на легендарниот Диего Армандо Марадона се ближи кон крајот и оди во насока која на обвинетите лекари кои се грижеа за неговото здравје, ќе им донесе обвиненија со кои ќе се соочат со големи затворски казни.
Аргентинскиот весник „TN Noticias“ имал увид во документите кои ги издале судските лекари и кои му биде доставени на аргентинското обвинителство. Во документите кои ќе бидат објавени на 3. мај стои дека личниот лекар на Марадона, Леополдо Луке како и Агустине Косачов најверојатно ќе бидат обвинети за убиство од небрежност поради што им се заканува затворска казна во траење од осум до 25 години.
Во вештачењето на судските лекари кое го иницираше аргентинската влада пишува дека Диего Марадона починал од срцени и хронични проблеми кои ги имал со бубрезите,. Лекарите кои се грижеле за него се обвинуваат за недоволно внимание на пациентот во процесот од опоравување и нега што дополнително влијаело за изненадното влошување на здравјето на Марадона и за неговата смрт.
Исто така во извештајот е наведено дека домот на Марадона не бил доволно и соодветно подготвен за рехабилитацијата по неговата операција на мозокот како и за нестручната проверка и контрола на лекарите бидејќи не приметиле дека неговото срце не работи како што треба.
Адвокатот тврди дека ја знае вистинската причина за смртта на Марадона
ВИДЕО: Аргентинските фанови бараат „правда“ за Диего Марадона
Личниот лекар на Марадона ги фалсификувал потписите на медицинските документи!?