Историски рекорд на Вестбрук, го помина Оскар Робертсон на вечната листа
Кошаркарите на Атланта го совладаа Вашингтон со 125:124, а херој и трагичар е Расел Вестбрук кој дојде до неверојатен рекорд во НБА лигата, но притоа го промаши шутот за победа.
Russell Westbrook stands alone 👏
Here’s the moment they announced his triple-double record in the arena. pic.twitter.com/5MolSnlRsb
— SportsCenter (@SportsCenter) May 11, 2021
Вестбрук натпреварот го заврши со 28 поени, 13 скокови и 21 асистенции со што дојде до 182. трипл-дабл во кариерата и го помина Оскар Робертсон на првото место на вечната листа по бројот на остварени трипл-дабл учиноци. Сепак, иако дојде до историски рекорд, Вестбрук не успеа на својот тим да му донесе победа бидејќи го промаши шутот за победа во последните секунди.
Russell Westbrook superó a Oscar Robertson y ya es el jugador CON MÁS TRIPLES-DOBLES EN LA HISTORIA DE LA #NBA.
Anoche hizo el N° 182 de su carrera:
➡️28 PUNTOS
➡️13 REBOTES
➡️21 ASISTENCIAS— Anastasio Ríos (@Tasio93) May 11, 2021
По поразот, Вашингтон има скор од 32 победи и 37 порази со што се наоѓа на десеттото место во Источната конференција и речиси сигурно ќе игра во плеј-ин турнирот бидејќи Чикаго има скор од 29-39 на четири натпревари до крајот на регуларниот дел од сезоната. Тимот на Атланта во кој најдобар беше Тре Јанг со 38 поени, а Богдан Богдановиќч даде 25 поени, со учинок од 38 победи и 31 пораз се наоѓа на петтото место во Источната конференција.
Трката за плеј-ин турнирот во Западната конференција станува се понеизвесна, а Њу Орлеанс е се подалеку од 10. место на табелата.
Тие загубија од Мемфис со 115:110 кој со скор од 35 победи и 33 порази си го обезбеди учеството на плеј-ин турнирот. На овој натпревар блескаше Јонас Валанчиунас со 20 поени, 11 скокови и пет блокади, додека кај Њу Орлеанс кој играше без зајон Вилијамс, Брендон Инграм, Стивен Адам и Џош Харт, најефикасен беше Никел Александер-Вокер со 18 поени.
Сан Антонио со 146:125 го победи Милвоки и соедната нога е во плеј-ин турнирот.
Демар Дерозан го предводеше Сан Антонио кој има учинок од 33 победи и 35 порази. „Мамузите“ поставија клупски рекорд постигнувајќи дури 87 поени во првото полувреме.
Демиен Лилард го носи Портланд директно во плеј-офот откако неговиот тим славеше со 140:129 против Хјустон. Лилард беше најпрецизен со 34 поени.
Стеф Кари со тројката на 14 секунди до крајот му донесе победа од 119:116 на Голден Стејт против Јута џез.
Резултати:
Атланта – Вашингтон 125:124
Кливленд – Индијана 102:111
Мемфис – Њу Орлеанс 115:110
Сан Антонио – Милвоки 146:125
Глден Стејт – Јута 119:116
Портланд – Хјустон 140:129