-2 C
Скопје

Историски пресврт на Тим за триумф на УС Опен

Австрискиот тенисер е нов грен слем шампион на УС Опен откако во финалето направи неверојатен пресврт и го совлада Александер Зверев.

Доминик Тим стана 55. грен слем шампион во модерната ера, 150. на сите времиња, прв кој е роден по 1990 година и прв Австриец кој триумфира на УС Опен.

Тим до трофејот дојде на импресивен начин откако успеа да надополни негатива од 0:2 во сетови за на крајот да слави со 2:6,4:6,6:4,6:3,7:6 и стана првиот тенисер во модерната ера кој направил ваков пресврт. Последен тенисер кој од 0:2 во сетови успеал да се врати и да триумфира на УС Опен е Панчо Гонсалес во 1949 година.

Тим исто така стана и вториот австриски тенисер кој освојува грен слем титула, пред него тоа му успеа на Томас Мустер на Ролан Гарос во 1995 година.

Прочитајте и...  СП Египет: Чупиќ ги спаси Хрватите од срам, само бод за „коцкестите“

Интересно е што Доминик Тим до првата грен слем титула дојде од четвртиот обид, на Австралија Опен годинава загуби од Новак Ѓоковиќ во финалето, а на Ролан Гарос во последните две изданија губеше од Рафаел Надал.

Зверев далеку подобро го започна мечот, делуваше подобро на теренот, беше одлучен во поените, изгледаше далеку поподготвен од Тим и за помалку од еден час игра веќе имаше водство од 0:2 во сетови. Зверев дури имаше и брејк предност во третиот сет (1:2), и од тие моменти Тим го крена нивото на игра откако сфати дека нема што да загуби.

Австриецот ја презеде иницијативата и на доминантен начин ги освои наредните два сета. Одлучувачкиот петти сет донесе голема борба во која и двајцата тенисери имаа по еден брејк на стартот.

Прочитајте и...  ВИДЕО: „Дерби дела капитале“ во знакот на Лацио

Зверев повеќе ризикуваше играше поагресивно и тој пристап му донесе водство од 5:3 и сервис за триумф. Сепак, не ги искористи своите шанси, а Тим направи два брејка за негово водство од 6:5 но во моментите кога сервираше за триумф, нервозата си го стори своето и му дозволи на Зверев да се врати во игра и да го однесе мечот во одлучувачкиот тај брејк.

Во тај брејкот, Доминик Тим ги искористи сите грешки на својот противник и третата меч топка ја претвори во голема победа.

Поврзани вести

СП Египет: Рутински победи на Данска и Унгарија

Слободен печат

Евролига: Изненадување во Пиреја, Фенербахче зареди со победите

Слободен печат

ВИДЕО: „Дерби дела капитале“ во знакот на Лацио

Слободен печат

Кошаркарите на Пелистер остануваат перфектни, го решија и МЗТ Скопје 

Слободен печат

Турција без проблеми по втор пат ја совлада БиХ

Слободен печат

Српски репрезентативец нокаутиран на тренинг на Кристал Палас

Слободен печат

Остави Коментар