Историска ноќ за Леброн Џејмс, го помина Коби Брајант и стана трет најдобар стрелец во историјата на НБА (ВИДЕО)
Кошаркарот на ЛА Лејкерс дојде до бројката од 33.655 поени во кариерата и сега пред него се само уште Карл Мелоун и Карим Абдул Џабар.
Лос Анџелес лејкерс загуби со 108:91 на гостувањето кај Филаделфија, но натпреварот помина во знакот на Леброн Џејмс кој стана третиот најдобар стрелец во историјата на НБА лигата.
Џејмс во поразот постигна 29 поени и застана на бројката од 33.655 поени, 11. повеќе од Коби Брајант, а пред него се уште само Карл Мелоун со 36.928 поени и Карим Абдул-Џабар со 38.387 поени.
.@KingJames wrote “Mamba 4 Life” on his shoes as he has a chance to pass @kobebryant for third on the all-time scoring list ? pic.twitter.com/9n6afaaXBR
— ESPN (@espn) January 26, 2020
Леброн е најдобар стрелец во историјата на плејоф натпреварите со 6.911 но овие поени не влегуваат во оваа бројка, бидејќи се однесува само за поени во натпревари од регуларниот дел од сезоната.
Резултати:
Детроит – Бруклин 111:121
Кливленд – Чикаго 106:118
Минесота – Оклахома сити 103:114
Филаделфија – ЛА лејкерс 108:91.
