Испаѓаат од лигата, а продаваат играч за 55 милиони евра!
Математички Норич и натаму има шанси да обезбедат опстанок во Премиер лигата, на четири кола до крајот на сезоната е на последното 20 место со 21 бод, 10 помалку зад Ватфорд кој е во безбедната зона.
Норич веќе го преселуваат во Чемпионшип, а според британските медиуми „канаринците“ веќе размислуваат за следната натпреварувачка сезона.
Информациите велат дека се подготвени да го продадат еден од нивните најдобри играчи, Бен Годфри.
Норич бара 55 милиони евра од Лајпциг и Борусија Дортмунд кои покажаа интерес за 22-годишниот дефанзивец.
Неодамна одигра одличен натпревар против Манчестер јунајтед во четвртфиналето од ФА купот. Има договор со клубот до лето 2023 година, но и самиот фудбалер бара начин да си замине со оглед на тоа што испаѓањето во Чемпионшип ќе му ја намали платата.