Исмаил Ханије е реизбран за главен лидер на Хамас

Палестинската исламска организација Хамас објави дека го реизбрала Исмаил Ханије за свој врховен лидер.

Ханије, кој живее во прогонство, беше избран за наредните четири години.

Тој беше соработник на основачот на Хамас, Ахмед Јасин, кој беше убиен во израелскиот напад во 2004 година.

По парламентарните избори во 2006 година, една година пред екстремистичкиот Хамас насилно да ја преземе контролата врз Појасот Газа од поумерениот ривал Фатах на палестинскиот претседател Махмуд Абас, Ханија стана премиер на Палестина.

Тој тогаш беше лидер на Хамас во Газа, додека во 2017 година не беше избран за главен водач на организацијата што Израел и САД ја сметаат за терористичка.

Тој ја напушти Газа во 2019 година и оттогаш живее повремено во Турција и Катар.

Видео на денот