Северна Македонија е во процес на надминување на економската криза предизвикана од пандемијата ковид -19, вели во изјава за „Слободен печат“, директорот на Стопанската комора на северозападната Македонија, Дрилон Исени.

-Процесот на надминување на економската криза е многу комплициран и тежок за спроведување бидејќи покрај внатрешните фактори, сега е под влијание и на други надворешни фактори, како што е процесот на имунизација, бидејќи тоа ќе ја одреди брзината на враќање на економијата во нормала. И покрај досегашните чекори и мерки, она што на нашата земја и треба е да ги стимулира инвестициите на приватните компании преку разни даночни и административни олеснувања, со што ќе избегне безначителна количина на ликвидни средства на пазарот – оценува Исени.

Тој додава дека, според проценките на СКСЗМ, само градежните компании чекаат откажување на мораториумите издадени од општините, каде што бројките за инвестиции може да надминат 500 милиони евра.

-Сметаме дека закрепнувањето треба да се направи со здрава основа, каде што иницијативите започнуваат од домашниот пазар, со што нашата земја ќе стане попривлечна за странски инвестиции, промовирајќи ја конкурентноста и квалитетот на услугите и производите-изјави за „Слободен печат“, Исени.

Даути: Секоја помош или простување на долг за најранливите категории ќе биде не само помош, туку и многу хумана акција