Екипите за зимско оддржување во Општина Бутел заедно со општинскиот кризен штаб од рано утрово се на терен и работат на расчистување на снегот, се со цел непречено движење на населението, информираат од оваа скопска општина.

Навремено се исчистени сите критични места во Општина Бутел. Главните улици како и сите споредни улици во сите населни места со цел непречено одвивање на сообраќајот. Тимови од Општина Бутел работат на расчистување на сите пристапни патеки до градинките, банките, аптеките и тротоарите. Општина Бутел ќе ја следи целата ситуација и ќе продолжи со навремено реагирање – истакна градоначалникот на Општина Бутел Дарко Костовски.