Телото на легендарната шпанска скијачка е пронајдено во областа ла Пењота на планинскиот венец Серседиља во провинцијата Мадрид. Нејзиното исчезнување беше пријавено на 23 август од страна на нејзината ќерка, а телото е пронајдено денеска.

– Солидарноста и поддршката во Серседиља беа необјасниви. Голем број на спасувачки екипи и волонтери се вклучија во потрагата за Бланка. Сочувство до нејзиното семејство – изјави премиерот Санчес.

Бланка Фернандез Очоа последен пат беше видена во Араваки, додека нејзиниот автомобил беше пронајден во неделата во градот Серседиља.

Шпанската скијачка учествуваше на четири Зимски Олимписки игри, помеѓу 1980 и 1992 година и стана прва Шпанка која освои медал во скијачките дисциплини. Таа на ЗОИ во Албервил го освои бронзениот медал во слалом.