Исчезна мајка со три деца во Минесота, во езеро пронајдени телата на две од децата

Полиција во САД/Фото: Профимедиа

Телата на две од трите деца кои синоќа исчезнаа за едно со нивната мајка се пронајдени во езеро во американската држава Минесота, јавија американските медиуми.

Потрагата по мајката и уште едно од децата се уште е во тек, а трагачите веруваат дека децата намерно се удавени.

Ниту една од жртвите и оние по кои се трага не се именувани, додаваат американските медиуми.

Таткото на повредените деца бил пронајден мртов вчераутро во приколка во градот Мејплвуд, во близина на Минеаполис, а полицијата утврдила дека и нивната мајка исчезнала тој ден заедно со децата.

Полковникот Џо Штајнер од полицијата во Мејплвуд изјави дека автомобилот и чевлите на жената кои им припаѓале на децата биле пронајдени во близина на езерото Ваднаис околу 16 часот.

Во претресот на езерото било најдено телото на едно дете, а телото на друго е пронајдено во текот на ноќта.

Властите веруваат дека сите три деца биле под петгодишна возраст, наведуваат американските медиуми.

-Нема ништо потрагично од загубата на мали деца, изјави шерифот на округот Ремзи, Боб Флечер, на прес-конференција, додавајќи дека најверојатно станува збор за тројно убиство.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот