Иранец ја одби наредбата од властите, тие му пратија специјалци – Слободен печат
ОстанатoСпорт

Иранец ја одби наредбата од властите, тие му пратија специјалци

Поранешниот светски шампион во џудо, Саид Молаеи се плаши да се врати дома во Иран откако не ја послуша наредбата на Владата намерно да загуби на СП за да избегне дуел со израелски џудист.

Меѓународната џудо федерација соопшти дека заменик министерот за спорт на Иран, Давар Зани му наредил на Саид Молаеи намерно да загуби меч во раната фаза од Светското првенство кое се одржува во Јапонија, за да ја избегне борбата со Израелецот Саги Муки.

Молаеи веднаш откако ја одбил наредбата од Владата, бил информиран од претседателот на Иранскиот олимписки комитет, Реза Салехи Амири, кој го информирал дека припадници на специјалните безбедносни служби се наоѓаат во домот на неговите родители.

Саид Молаеи на СП во Јапонија дојде како светски шампион, а дуелот со Израелецот Муки беше предвиден за во финалето бидејќи и двајцата џудисти беа најдобро рангирани во категоријата.

Тој изјави дека му било наредено да се повлече пред прелиминирната борба со џудист од Русија, за да не изгледа дека го бојкотира противникот од Израел. Молаеи одби да ја послуша наредбата и продолжи да се натпреварува, но загуби во полуфиналето и не дојде до дуел со Муки кој на крајот го освои златниот медал, а својот конкурент од Иран го нарече вистинска спортска инспирација.

– Јас сум натпреварувач.Но, живеам во земја каде законите тоа не ми го дозволуваат. Немаме избор, сите спортисти мора да ги почитуваат тие наредби – напиша Молаеи во соопштението до јавноста.

Меѓународната џудо федерација најави дека ќе му помогне на Иранецот кој се плаши да се врати во својата земја, да се подготвува за Олимписките игри во Токио идната година. Доколку Иран одбие да го пријави на Игрите, џудо федерацијата ќе го пеијави во тимот на спортисти бегалци.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close