Иран: Полицијата уби демонстрант што го славел испаѓањето на репрезентацијата од Мундијалот

Фото: Твитер

Иранските безбедносни сили вчеравечер застрелале и убиле демонстрант кој ја прославувал елиминација на иранската репрезентација од Светското првенство во Катар, јави „Би-би-си“.

Иран синоќа загуби од САД со 0-1 во последниот натпревар од групната фаза на турнирот, a на националниот тим му беше доволен и нерешен резултат за да се пласира во осминафиналето.

Активисти изјавија дека Мехран Самак бил застрелан во главата додека свирел со својот автомобил вчеравечер во северниот ирански град Бандар Азали, на Каспиското Море.

На видеа и од други места низ Иран, објавени на социјалните мрежи, можеа да се видат толпи луѓе кои ја слават елиминацијата на репрезентацијата од Светското првенство. Луѓето, очигледно антивладини демонстранти, се радуваат и играат.

Многу Иранци не ја поддржаа иранската репрезентација на Светското првенство, тврдејќи дека таа ја претставува Исламската Република, забележува „Би-би-си“.

Видео на денот