Украинскиот претседател Владимир Зеленски изјави дека Киев не е задоволен со висината на компензацијата која Иран ја понудиле на семејствата на државјаните од Украина, загинати во падот на патничкиот авион во близина на Техеран, и дека ќе бара повисока отштета.

– Иранската страна веднаш понуди 80.000 долари по семејство, што е навистина малку. Ќе бараме повисока сума – рече Зеленски за украинскиот телевизиски канал 1+1.

Зеленски напомена дека Украина и понатаму го чека Иран да ги испрати црните кутии од „боингот 737“, кој беше срушен на 8 јануари набрзо по полетувањето од Техеран.

Иранската војска призна дека по грешка го урнала украинскиот патнички авион, несреќа во која загинаа сите 176 патници и членови на екипажот, вклучувајќи 11 државјани на Украина.