Иран: Надминуваме лимит на збогатен ураниум

Иран ќе ги надмине лимитите на ниско збогатен ураниум утврдени со нуклеарниот договор во 2015 година, освен ако Британија, Франција и Германија не преземат практични чекори за зачувување на договорот, нагласи иранскиот амбасадор во ОН, Маџид Тахт Раванчи.

На седницата на Советот за безбедност на ОН, тој рече дека трите земји, како и САД, кои се повлекоа од договорот, ќе мора да ја прифатат целосната одговорност за сите можни последици, освен ако не преземат сериозни чекори.

Велика Британија, Франција, Германија и три други земји-членки на ЕУ силно го повикаа Иран да го почитува договорот и „да се воздржи од чекори што би можеле да доведат до ескалација”.

На 17 јуни, Техеран објави дека ќе ја премине границата од 300 килограми ниско збогатен ураниум и неодамна за четири пати ја зголеми својата продукција. Раванчи додаде дека „американската економска војна” практично предизвикала нуклеарниот договор да го почитува само една страна.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот