Иран конечно се огласи за нападот на писателот Ружди: Тој и неговите фанови се виновни за тоа што му се случи

Салман Ружди/ Фото EPA-EFE/JL CEREIJIDO

Никој нема за право да упатува обвинувања против Иран за нападот врз Салман Ружди, за кој се виновни самиот Ружди и неговите поддржувачи, соопшти денеска Министерството за надворешни работи во Техеран, пренесува Ројтерс.

Писателот Ружди, кој со децении живее под закана откако уште во 1989 година ги разбесни свештеничките власти во Иран преку своето пишување, во моментов се опоравува откако беше избоден со нож на настан во Њујорк.

Во првата официјална реакција на Иран по нападот, портпаролот на министерството за надворешни работи, Насер Канани рече дека слободата на говор не ги оправдува навредите на Ружди против религијата. Неговиот роман „Сатански стихови“ од 1988 година, некои муслимани го сметаат за богохулије.

„За време на нападот врз Салман Ружди, ние не сметаме дека никој друг освен самиот тој и неговите поддржувачи се виновни за случајот“, рече Канани на брифингот со новинарите. „Никој нема право да го обвинува Иран во овој поглед“.

Кој е Салман Ружди, британскиот писател нападнат среде Њујорк?

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот