Иран именуваше жена на амбасадорското место во Данска, изјави потпретседателката на иранската влада задолжена за женското и семејното право, а пренесе хрватски „Индекс“.

– Присутноста на жените во дипломатијата се смета за предност за земјата – напиша на Твитер Масуме Ебтекар.

President Rouhani has vowed to promote #women in decision making positions. Afsaneh Nadipour is appointed as the fourth woman ambassador of the Islamic Republic of #Iran. As Ambassador to #Denmark, she will play an effective role in enhancing our diplomacy. https://t.co/AOHOiMcHak

— Massoumeh Ebtekar (@ebtekarm) January 21, 2020

Афсане Надипоур, која треба да го води иранската амбасада во Копенхаген, претходно долга низа на години работела во иранското Министерство за надворешни работи. Исто така работела и во иранската амбасада во Токио, а неодамна беше и портпарол на министерот.

Таа е една од триесетте нови ирански амбасадори кои беа на состанок со иранскиот претседател Хасан Рохани, соопшти Министерството за надворешни работи во Техеран.

Данското МНР рече дека се уште не е одреден датумот кога Надипоур ќе ја преземе функцијата.

Иран досега имаше жени на амбасадорски места во Малезија и Финска.

Од моментот кога Рохани го започна претседателскиот мандат во 2013 година, се повеќе жени во Иран добиваат можност за вршење на високи државни функции.

И покрај тоа, многу жени се жалат на нееднаквост, а во владата на Рохани исто така нема жени на министерски места.