ИОК и забрани на Белорусија да учествува на Олимписките игри во Токио
Меѓународниот олимписки комитет (ИОК) соопшти дека не го признава Виктор Лукашенко, синот на белорускиот претседател Александар Лукашенко, за нов претседател на Олимлискиот комитет на таа земја.
Тоа значи дека Белорусија нема да може да учествува на Олимписките игри во Токио кои треба да се одржат ова лето.
Во соопштението се прецизира дека тоа што ИОК не го признава Виктор Лукашенко за претседател на Белорускиот олимписки комитет значи дека Белорусија е исклучена од сите активности на ИОК вклучувајќи ги и Олимписките игри, пренесува Тасс.
Виктор Лукашенко кон крајот на февруари е избран за претседател на Олимпискиот комитет на Белорусија иако претходно ИОК ги суспендира него и неговиот татко Александар и им забрани да присуствуваат на Олимписките игри во Токио.
Александар Лукашенко беше на чело на Олимпискиот комитет на Белорусија 23 години, а неговиот син Виктор досега беше потпретседател.
ИОК во декември минатата година ги суспендира таткото и сино со образложение дека не ги заштитија спортистите кои учествуваа на протестите во Белорусија од дискриминација.
Протестите во Белорусија избија по претседателските избори во август минатата година на кои Лукашенко победи, но опозицијата и западните земји го обвинија дека ги фалсификувал резултатите.
