Големите инвеститори повторно инвестираат во криптовалути по еден месец на голем раст на биткоинот од 40 проценти во јануари оваа година. Инвеститорите забележаа прилив од над 117 милиони долари минатата недела, најголем неделен пораст од минатиот јули, според податоците на КоинШеарс.

Вкупната актива на крипто-фондовите се искачи на 28 милијарди долари, што е за 43 отсто повеќе од ноемвриските ниски падови, бидејќи падот на берзата ФТX испрати шокантен бран кај криптовалутите, објави порталот Кликс.ба.

„Генерално, луѓето се посигурни отколку пред еден месец“, вели Џозеф Едвардс, инвестициски советник во Енигма Секјуритис.

Биткоинот се зголеми за речиси 40 отсто во јануари, што се приближува до своите најдобри месечни перформанси од октомври 2021 година и неговиот втор најдобар јануари во последните 10 години. Обемот на тргување со криптовалути исто така расте, според КоинШеарс, со просечен неделен волумен зголемен за 11 проценти, што покажува дека трговците се враќаат по неколкумесечна пригушена активност.