Миа Блажевска Еминова (14), една од најталентираните македонски пливачки, зад себе има уште една „златна“ година со освојување медали од меѓународните турнири, а постепено поставуваше нови државни рекорди и воедно ги подобруваше своите. Таа е членка на ПВК „Орион“, а нејзин тренер е Илија Стојановски.

Таа во изминатиот период, на Меѓународниот пливачки митинг „Куп на Зрењанин“ во финалната трка од 100 метри мешано, постави нов кадетски, младински и апсолутен рекорд на Македонија со време од 1:04.91 минута.

Воедно Миа постави и нов кадетски и младински рекорд на Македонија во дисциплината 100 метри слободно со време од 56:98 секунди.

Но, не само тоа. На митингот во Зрењанин, Миа постави вкупно седум нови рекорди на Македонија на 25м базени во повеќе категории и дисциплини:

Кадетски и Младински рекорд 100м слободно – 56:98

Кадетски и Младински рекорд 50м слободно – 26:34

Кадетски, Младински и Апсолутен рекорд 100м мешано – 1:04:91

Годинава Миа ја започна со златни медали започна на ЛЕН Гранд При – 11 Април во Белград (Србија) и со три нови државни рекорди.

На меѓународниот пливачки митинг во Бања Лука (БиХ) постави четири државни рекорди, во дисциплината 50м грбно каде постави нов кадетски, младински и апсолутен рекорд (30:68 секунди) претставуваше норма за учество на младинското ЕП во Казањ (Русија).

По завршувањето на Медитеранскиот КОМЕН куп во Бургас (Бугарија) од 21-23 јуни 2019 година единствената наша репрезентативка успеа со две четири места, едно 11-то и едно осмо место да освои 41 поен и да ја пласира нашата држава на 12 место од 17 репрезентации во женска конкуренција.

Од 28 јуни до 1 јули 2019 година на Летното национално првенство на Македонија на Олимпискиот базен Миа беше најдобра пливачка по категории кај сениорките, јуниорките, кадетски и постари пионерки.

Таа блесна и на осмиот меѓународен пливачки митинг „13 Ноември“ кој се одржа од 19-20 октомври на базенот „Борис Трајковски“ (25м) – Скопје каде што постави дури 11 рекорди, со напомена дека во меѓувреме дел од нив веќе ги надмина.