Интерпелацијата на Џафери в четврток на пленарна седница
Седницата за интерпелацијата на претседателот на Собранието Талат Џфери ќе биде закажана на 30 јуни во четврток, потврди претседателот на парламентот откако пратеникот Димитар Апасиев побара на денешната пленарна седница да се расправа за работата на собранискиот спикер.
Пратеничката група на ВМРО-ДПМНЕ поднесе интерпелација за Џафери по вулгарното обраќање на претседателот на Собранието кон собраниски службеници и откако ги заклучи пратениците од опозицијата во пленарната сала додека траеше поединечното изјаснување.
Џафери писмено ги отфрли сите обвинувања на опозицијата и смета дека откако тој е претседател на Собранието се унапредени правата на собраниските службеници.
На собранискиот сајт се уште не е закажана седницата на која Џафери треба пред пратениците да аргфументира зошто треба да продолжи да раководи со Собранието.