Интересна понуда од Шпанија за Димитриевски (ФОТО)
Како што пренесува „estadiodeportivo“, екипата на Севиља ги посакува услугите нашиот чувар на мрежата Димитриевски кој моментно е член на Рајо Ваљекано.
Со Рајо Ваљекано не успеа лани да обезбеди опстанок во „Ла Лига“, но можно е летово да се врати во елитата доколку прифати една од понудите кои доаѓаат на негова адреса.
Претходно Валенсија и Реал Бетис застанаа во трката за неговиот потпис, а дури и од Русија исто така ја следат ситуацијата со нашиот голман.
El #SevillaFC se interesa por Dimitrievski https://t.co/euXlnzLW0t
— Estadio Deportivo (@Estadio_ED) July 15, 2019
Според „Марка“, Севиља нуди 2.5 милиони евра за Димитриевски кој евентуално би бил втора голманска позиција во редовите на поранешниот шампион на Лига Европа.
Претходно Еспањол испрати повисока понуда од 4.5 милиони евра, но првите луѓе на Рајо немаат намера да се откажат од Димитриевски и за него бараат шест милиони колку што и изнесува неговата клаузула во договорот.
Има договор со клубот до 2022 година, минатото лето дојде во Ваљекано од Химнастик за 900.000 евра.