ИНТЕРЕСЕН ТЕРЕН ЗА КАМПАЊА: Косовски политичар го „слуша“ и гласот на КРАВИТЕ (ФОТО)
Во Косово и официјално започна изборната кампања за предвремените парламентарни избори, кои треба да се одржат на 6 октомври.
Но, уште пред да започне официјалната кампања, кандидатите за пратеници се најдоа на терен за да соберат што е можно повеќе гласови.
Кандидатот за пратеник во косовското собрание од коалицијата Алијанса за иднина на Косово и Социјал-демократската партија, Јетон Зогјани избра кампњата да ја реализира на еден интересен терен, јавува Газета Експрес.
Зогјани објавил фотографија на социјалната мрежа Фејсбук каде се гледа со една крава.
На фотографијата тој напишал најдете ги разликите.
Но овој пост на Зогјани не се наоѓа веќе на Фејсбук. Тој одлучил да го избрише, а вели дека кравата побарала такво нешто.
„Го избришав претходниот пост со кравата, бидејќе кравата се жалеше и ми рече гледаш се резиливме, сите портали ја преземаа“, напишал Зогјани.
Инаку Јетон Зогјани е познат косовски актер, односно комичар, кој неодамна влезе во политиката.