Овој период се шпекулира околу иднината на македонскиот репрезентативец Стефан Ристовски кој уште од претходно е познато дека грчкиот гигант Олимпијакос ја следи ситуацијата со нашиот дефанзивец.

Се преговара за можна позајмица во грчкиот клуб, а според португалскиот медиум „Рекорд“, Спортинг Лисабон, досегашната екипа на Македонецот, не е против разделба со нашиот 28-годишен десен бек, се додека Олимпијакос не исплати 2,5 милиони евра на крајот од тековната сезона и така се активира клаузулата.

Други извори велат дека до крајот на јануари се очекува досегашниот десен бек Рафиња (35) да го напушти Олимпијакос.

Ристовски има договор со лисабонските „лавови“ до 30 јуни 2022 година и сезонава нема ниту еден официјален настап во најсилното португалско првенство.

Во кариерата играше уште за Вардар, Парма, Кротоне, Фросиноне, Бари, Латина и Риека.