Интер со сензационални 90 милиони евра за Пепе?
Пепе (24), интернационалецот од Брегот на слоновата коска беше сензација минатата сезона во Лига 1 со учинок од 22 голови и 11 асистенции во 38 натпревари.
Десното крило кое може да игра и како централен напаѓач, се поврзува со голем број на европски гиганти како Ливерпул, Манчестер јунајтед, Атлетико Мадрид и Баерн Минхен.
€90M? Inter Milan have upped their offer for Nicolas Pépé to €90M including bonuses. Atletico Madrid have also identified the 24-year-old as one of their priorities this summer… Where should he go??⚽️ #Pepe #Inter https://t.co/sGknlScKX7 pic.twitter.com/fxtfUxh6wV
— Football Transfers⚽️ (@Transfers) June 23, 2019
Но, од друга страна италијански извори се сомневаат во ваквата приказна поради фактот што „неро-аѕурите“ имаат лимитиран трансфер буџет, а дури и новиот тренер Конте има листа на желби.
Се верува дека приоритет е Ромелу Лукаку за кој „црвените ѓаволи“ бараат од 70-80 милиони евра. Да додадеме уште дека „јорганџиите“ исто така го сакаат Пепе како идеална замена за Антоан Гризман.
Шпанците се подготвени да бидат многу активни на фудбалскиот „пазар“, Атлетико има намера за 120 милиони евра да го купи Жоао Феликс од Бенфика.