Интер ја подготви првата понуда за играчот од средниот ред, Артуро Видал кој би бил новото јануарско засилување на „Џузепе Меаца“.

Тренерот на миланскиот клуб, Антонио Конте има неколку новогодишни желби, а според италијанските медиуми една од нив е Видал.

За неговите услуги Интер е подготвен да плати 12 милиони евра, иако од „Камп Ноу“ инсистираат нивниот играч да си замине за 25 милиони евра.

A Inter ofereceu 12 milhões de euros ao Barcelona por Arturo Vidal. No entanto os italianos sabem que esse valor não é suficiente para convencer o Barcelona a vender o meia. Mediante a isso eles devem fazer uma oferta acima dos 25 milhões de euros. pic.twitter.com/tT37lgcTF0

— República Blaugrana (@BlaugranaRB) December 24, 2019

Досега оваа сезона чилеанскиот интернационалец одигра 19 натпревари за Барселона и постигна пет голови.

Но, во поголемиот дел од мечевите влегуваше од клупата и не е среќен поради својата минутажа и статус кој го има во екипата.

Тоа се потврди и минатата седмица кога во пресрет на „Ел Класико“ и дербито со Реал Мадрид, шпанските медиуми пишуваа дека фудбалерот го напуштил тренингот на Барса кога дозна дека нема да биде стартер на дуелот против „кралевите“.