Искусниот чилеански фудбалер Артуро Видал го напушти каталонскиот клуб чиј дрес го носеше од 2018 година. Негов нареден предизвик според најавите ќе биде миланскиот состав на Интер.

Според шпанската „Марка“, екс членот на Јувентус и Баерн денеска се поздрави со своите досегашни тимски колеги во Барселона.

Arturo Vidal has said his goodbyes to his Barcelona teammates and collected his items from the club's training facilities ahead of completing move to Inter https://t.co/cc9mA1iZo3

— footballespana (@footballespana_) September 15, 2020

Уште од претходно е познато дека Чилеанецот ги договори личните услови со Интер, останува уште само двата клуба да постигнат согласност за трансфер.

Видал дури осумпати по ред освојуваше првенства со три различни екипи, а летово со Барса помина неславно после дебаклот во ЛШ и неосвојувањето на „Ла Лига“, а потоа играчот јавно го критикуваше начинот на работа на „Камп Ноу“.

Претходно клубот го напушти Иван Ракитиќ, а истото најверојатно ќе го направи и Луис Суарез кој би требало да се пресели во редовите на Јувентус.