Интер го има трансферот на летото, донесе „кралско“ засилување
Дефанзивецот на Реал Мадрид кој сезонава ја игра на позајмица во Борусија Дортмунд, Ашраф Хакими, се сели во Италија.
Екипата на Интер започна да го засилува тимот за наредната сезона и на тренерот Антонио Конте му се исполни најголемата желба, ангажиран е квалитетен десен бек.
Спортскиот директор Бепе Марота се договори со челниците на Реал Мадрид и одличниот дефанзивец Ашраф Хакими кој во последниве две сезони игра за Борусија Дортмунд како позајмен играл, од наредната сезона ќе биде дел од „нероаѕурите“.
Хакими ова лето требаше да се врати во Реал Мадрид но тој не сака да биде резерва додека од друга страна тренерот Зинедин Зидан не може да му гарантира првотимски статус и поради тоа е одлучено тој да биде продаден.
Иако имаше понуди од Премиер лигата, Интер беше најконкретен и најбрз, а официјализирањето на трансферот се очекува да биде во наредните денови.
Реал Мадрид ќе добие 45 милиони евра обесштетување, додека Хакими го очекува годишна плата од пет милиони евра плус бонуси.