Екипата на Интер полека го губи здивот во финишот од сезоната во Серија А и на втор натпревар по ред не успева да триумфира по што падна на четвртото место на табелата. Овој пат Верона успеа да остане непоразена во дуелот со „нероаѕурите“ играјќи 2:2.

Верона поведе во втората минута со погодокот на Дарко Лазовиќ. Но, на почетокот на второто полувреме Интер дојде до пресврт, прво Антонио Кандрева во 49.минута израмни на 1:1, а потоа и беше дел од акцијата во која Федерико Димарко си постигна автогол. Но, во 88. минута Мигел Велосо ги шокира „нероаѕурите“ и Верона ја остави непоразена.

Интер на седум кола до крајот на сезоната има 65 бода, еден помалку од третопласираната Аталанта и три од Лацио кој е втор на табелата.